İşığın sınması

İşıq bir şəffaf mühitdən digərinə keçdikdə öz istiqamətini dəyişir — bu hadisəyə işığın sınması deyilir. Sınma qanununa görə düşmə bucağının sinusunun sınma bucağının sinusuna nisbəti sabitdir: n = sinα/sinβ, burada α — düşmə, β — sınma bucağıdır. Mühitin mütləq sındırma əmsalı n = c/v düsturu ilə təyin olunur, burada v — həmin mühitdə işığın sürətidir; n nə qədər böyükdürsə, mühit bir o qədər optik sıxdır. İşıq optik seyrək mühitdən sıx mühitə keçdikdə normala yaxınlaşır, sıx mühitdən seyrək mühitə keçdikdə isə normadan uzaqlaşır. Sıx mühitdən seyrək mühitə keçərkən düşmə bucağı müəyyən limit bucağından böyük olarsa, işıq tamamilə geri qayıdır — buna tam daxili qayıtma deyilir. Məsələn: mühitdə işıq sürəti v = 2·10⁸ m/s olarsa, n = c/v = 3·10⁸/2·10⁸ = 1,5 alınır.