Yoluxucu xəstəliklər və onlara qarşı mübarizə

Yoluxucu xəstəliklər törədicilərinin təbiətinə görə bir neçə qrupa bölünür. Virus mənşəli xəstəliklərə qrip, QİÇS (törədicisi İİV), hepatit, suçiçəyi və qızılca aiddir; bu xəstəliklərə qarşı antibiotiklər faydasızdır, çünki antibiotiklər yalnız bakteriyaları məhv edir. Bakterial xəstəliklərə vərəm (Mycobacterium tuberculosis), dizenteriya, tetanoz, taun və xolera daxildir. Göbələk mənşəli xəstəliklər arasında dermatomikoz və kandidoz var. Parazit qurdların yaratdığı xəstəliklərə askaridoz və exinokokkoz, birhüceyrəli orqanizmlərə (protozoa) isə malyariya (törədicisi malyariya plazmodisi, daşıyıcısı dişi anofel ağcaqanadı) və amöb dizenteriyası aiddir. Buğumayaqlıların yaydığı xəstəliklər arasında gənənin yaydığı ensefalitin xüsusi əhəmiyyəti var. Mübarizə üsulları arasında peyvənd (aktiv immunitet formalaşdırır), zərdab (passiv immunitet), sanitar-gigiyena qaydaları, dezinfeksiya, karantin və antibiotik terapiyası (yalnız bakterial xəstəliklərə) fərqləndirilir.