İsmin mənsubiyyətə görə dəyişməsi

Mənsubiyyət kimin nəyə sahib olduğunu bildirir. Azərbaycan dilində isimlər mənsubiyyət şəkilçisi qəbul edərək hansı şəxsə məxsus olduğunu göstərir. Birinci şəxs təkdə saitlə bitən sözlərə -m, samitlə bitən sözlərə -ım/-im/-um/-üm şəkilçisi artırılır (kitab-ım, ev-im, qol-um, gül-üm). İkinci şəxs təkdə saitlə bitən sözlərə -n, samitlə bitən sözlərə -ın/-in/-un/-ün şəkilçisi artırılır (kitab-ın, ev-in). Üçüncü şəxs təkdə samitlə bitən sözlərə -ı/-i/-u/-ü, saitlə bitən sözlərə isə -sı/-si/-su/-sü şəkilçisi artırılır (kitab-ı, ana-sı). Bu şəkilçilər ahəng qanununa tabe olur: incə saitli sözlər incə, qalın saitli sözlər qalın variant alır. Həmçinin yiyəlik halı ilə mənsubiyyət şəkilçisi birlikdə işlənərək mənsubiyyət birləşməsi yaranır.